Фамилија Тангови Скопје

Фамилија Тангови Скопје

Аргентинско танго во Скопје – часови, практики, милонги и танго настани

Фамилија Тангови Скопје е танцова школа посветена на развојот и промоцијата на аргентинското танго и неговата култура во Македонија. Здружението активно работи од 2012 година, со континуирана едукација на танчери, развој на танго заедницата и создавање простор за изучување, практикување и споделување на тангото.

Школата организира редовни часови по аргентинско танго за различни нивоа, наменети за возрасни кои сакаат да го запознаат овој танц или да го надградат своето постоечко знаење. Во практиката посебно место имаат музикалноста, импровизацијата, телесната свесност, партнерската комуникација и автентичниот начин на танцување карактеристичен за аргентинското танго.

Покрај часовите, Фамилија Тангови Скопје организира практики и милонги – танго настани кои создаваат простор за слободно танцување, дружење и развивање на танго културата. Редовната практика може да придонесе за подобра координација, телесна свесност, музикалност и комуникација со партнерот, а истовремено овозможува запознавање и поврзување со танго заедницата.

Школата нуди и подготовки за прв свадбен танц, при што стилот и танцот се избираат според желбите на парот, вклучувајќи и можност за подготовка на кореографија на песна по избор. На овој начин, подготовката за свадбениот танц може да биде приспособена на карактерот и желбите на младенците.

Во текот на своето работење, Фамилија Тангови Скопје организира семинари и работилници со реномирани танго инструктори и танчери од Аргентина, Италија, Грција, Бугарија, Србија и други земји. Овие активности овозможуваат локалните танчери да учат од професионалци со различно меѓународно искуство и дополнително да ја развиваат својата танцова практика.

Школата е организатор и на значајни меѓународни танго настани во Скопје. Маратангон Скопје Танго Маратон има зад себе 10 изданија и секоја година собира над 200 учесници од различни земји, додека Скопје Танго Фестивал – Todo es Amor е меѓународен фестивал посветен на аргентинското танго, кој ги поврзува танчери, музичари, инструктори и љубители на тангото од Македонија и странство.

Мисијата на Фамилија Тангови Скопје е преку квалитетна едукација, редовна танцова практика и организација на локални и меѓународни настани да придонесува кон развојот на аргентинското танго, танцовата култура и активната танго заедница во Скопје и Македонија. Школата нуди и летни тренинзи и бесплатен прв тренинг.

Доколку барате аргентинско танго во Скопје, часови по танго за возрасни, практики и милонги или можности за учество на танго работилници и меѓународни настани, Фамилија Тангови Скопје нуди простор за изучување, танцување и продлабочување на познавањето на аргентинското танго како танц, култура и начин на поврзување.